முத்தொள்ளாயிரம் Muttollayiram 35

சோழன் | புகார்ப் பெருமானார்

பாடல் 35

கனவினுள் காண்கொடா கண்ணும் கலந்த

நனவினுள் முன்விலக்கு நாணும் – இனவங்கம்

பொங்கோதம் போழும் புகாஅர்ப் பெருமானார்

செங்கோல் வடுப்படுப்பச் சென்று. – 35

அவன் புகார் நகரப் பெருமான். என் கனவில் அவன் தன்னைக் காணக் கொடுக்கவில்லை. எப்போதாவது வரும்போது கண்ணில் கலந்து அவனைப் பார்க்கலாம் என்றால் என் நாணம் முன்னே வந்து நின்று தடுக்கிறது. இது அவனது செங்கோலுக்கு வடு. (குற்ற வடு) – வங்கக் கப்பல்கள் கடலலையைக் கிழித்துச் செல்லும் புகார் நகரம் அவன் இருக்கும் தலைநகரம்.

புகார் நகரத்தில் இருந்த இருகாமத்து இணை ஏரி (நூல் சிலப்பதிகாரம்)

புகார் நகரத்தில் இருந்த புத்த பீடிகை (நூல் மணிமேகலை)

மூழ்கிக் கிடக்கும் புகார்த் துறைமுகம்