முத்தொள்ளாயிரம் Muttollayiram சோழன்

சோழன்மீது பாடப்பட்ட பாடல்கள்

திறந்திடுமின் தீயவை பிற்காண்டு மாதர்

இறந்து படிற்பெரிதாம் ஏதம் – உறந்தையர்கோன்

தண்ணார மார்பிற் தமிழ்நர் பெருமானைக்

கண்ணாரக் காணக் கதவு . -27

குதலைப் பருவத்தே கோழிக்கோ மானை

வதுவை யெருகென்றால் அன்னை – அதுபோய்

விளைந்தவா இன்று வியன்கானல் வெண்தேர்த்

துலங்குநீர் மாமருட்டி அற்று. – 28

சுடரிலைவேற் சோழன்தன் பாடலம் ஏறிப்

படர்தந்தான் பைந்தொடியார் காணத் – தொடர்புடைய

நீர்வலை யிற்கயல் போற்பிற ழும்மேதன்

சாலேக வாயில்தொறுங் கண். – 29

அன்னையும் கோல்கொண் டலைக்கும் அயலாரும்

என்னை அழியுஞ்சொற் சொல்லுவர் –நுண்ணிலைய

தெங்குண்ட தேரை படுவழிப் பட்டேன்யான்

திண்தேர் வளவன் திறத்து. – 30

அலங்குதார்ச் செம்பியன் ஆயெழில்தோள் நோக்கி

விலங்கியான் வேண்டா வெனினும் – நலந்தொலைந்து

பீர்மைற் கொளல்உற்ற பேதையர்க் கென்வாய்ச்சொல்

நீர்மே லெழுந்த நெருப்பு. – 31

நாணொருபால் வாங்க நலனொருபால் உள்நெகிழ்ப்பக்

காமருதோட் கிள்ளிக்கென் கண்கவற்ற – யாமத்

திருதலைக் கொள்ளியின் உள்ளெறும்பு போலத்

திரிதரும் பேருமென் நெஞ்சு. – 32

ஊடல் எனஒன்று தோன்றி அலருறூஉங்

கூடல் இழந்தேன் கொடியன்னாய் – நீடெங்கின்

பாளைமிற் தேன் தொடுக்கும் பாய்புனல் நீர்நாட்டுக்

காளையைக் கண்படையுட் பெற்று. -33

புலவி புறக்கொடுப்பன் புல்லியினா ணிற்பன்

கலவி களிமயங்கிக் காணேன் – நிலவியசீர்

மண்ணாளுஞ் செங்கோல் வளவனை யானிதன்றோ

கண்ணாரக் கண்டறியா வாறு. -34

கனவினுள் காண்கொடா கண்ணும் கலந்த

நனவினுள் முன்விலக்கு நாணும் – இனவங்கம்

பொங்கோதம் போழும் புகாஅர்ப் பெருமானார்

செங்கோல் வடுப்படுப்பச் சென்று. – 35

கண்டன உண்கண் கலந்தன நல்நெஞ்சம்

தண்டப் படுவ தடமென்தோள் – கண்டாய்

உலாஅ மறுகில் உறையூர் வளவற்

கெலாஅ முறைகிடந்த வாறு. – 36

என்னெஞ்சு நாணு நலனும் இவையெல்லாம்

மன்னன் புன்னாடன் வௌவினான் – என்னே

அரவகல் அல்குலாய் ஆறில் ஒன் றன்றோ

புரவலர் கொள்ளும் பொருள். – 37

தெண்ணீர் நறுமலர்த்தார்ச் சென்னி யிளவளவன்

மண்ணகங் காவலனே யென்பரால் - மண்ணகங்

காவலனே யானக்காற் காவானோ மாலைவாய்க்

கோவலர்வாய் வைத்த குழல். – 38

அறைபறை யானை அலங்குதார்க் கிள்ளி

முறைசெயும் என்பரால் தோழி – இறையிறந்த

அங்கோல் அணிவளையே சொல்லாதோ மற்றவன்

செங்கோன்மை செந்நின்ற வாறு. – 39

நீள்நீலத் தார்வளவன் நின்மேலான் ஆகவும்

நாணிமை யின்றி நடத்தியால் – நீள்நிலம்

கண்தன்மை கொண்டலரும் காவிரி நீர்நாட்டுப்

பெண்தன்மை இல்லை பிடி. – 40

செங்கால் மடநாராய் தென்னுறந்தை சேறியேல்

நின்கால்மேல் வைப்பன்என் கையிரண்டும் – நன்பால்

கரைஉறிஞ்சி மீன்பிறழும் காவிரிநீர் நாடற்

குரையாயோ யானுற்ற நோய். – 41

வரக்கண்டு நாணாதே வல்லையா னெஞ்சே

மரக்கண்ணோ மண்ஆள்வார் கண்ணென் – றிரக்கண்டாய்

வாள்உழுவை வெல்கொடியான் வண்புனல்நீர் நாடற்கென்

தோள்அழுவம் தோன்றத் தொழுது. – 42

பேயோ பெருந்தண் பனிவாடாய் பெண்பிறந்தா

ரேயோ உனக்கிங் கிறைக்குடிகள் –நீயோ

களிபடுமால் யானைக் கடுமான்தேர்க் கிள்ளி

அளியிடை அற்றம்பார்ப் பாய். – 43

நாம நெடுவேல் நலங்கிள்ளி சோணாட்டுத்

தாமரையும் நீலமுந் தைவந் – தியாமத்து

வண்டொன்று வந்தது வாரல் பனிவாடாய்

பண்டன்று பட்டினங் காப்பு. – 44

தானைகொண் டோடுவ தாயதன் செங்கோன்மை

சேனை யறியக் கிளவேனோ – யானை

பிடிவீசும் வண்தடக்கைப் பெய்தண்தார்க் கிள்ளி

நெடுவீதி நேர்பட்ட போது. – 45

காவல் உழவர் களத்தகத்துப் போர்ஏறி

நாவலோஓ என்றிசைக்கும் நாளோதை – காவலன்தன்

கொல்யானை மேலிருந்து கூற்றிசைத்தாற் போலுமே

நல்யானைக் கோக்கிள்ளி நாடு. – 46

மாலை விலைபகர்வார் கிள்ளிக் களைந்தபூச்

சால மருவியதோர் தன்மைத்தால் – காலையே

வில்பயில் வானகம் போலுமே வெல்வளவன்

பொற்பார் உறந்தை அகம். – 47

மந்தரங்க் காம்பா மணிவீசும் போலையாத்

திங்கள் அதற்கோர் திலதமா எங்கணும்

முற்றுநீர் வைய முழுதும் நிழற்றுமே

கொற்றப்போர்க் கிள்ளி குடை. 48

அந்தணர் ஆவொடு பொன்பெற்றார் நாவலர்

மந்தரம்போல் மாண்ட களிறூர்ந்தார் – எந்தை

இலங்கிலைவேற் கிள்ளி இரேவதிநாள் என்னொ

சிலம்பிதன் கூடிழந்த வாறு. – 49

நின்றீமின் மன்னீர் நெருநல் திறைகொணர்ந்து

முன்றந்த மன்னர் முடிதாக்க – இன்றுந்

திருந்தடி புண்ணாகிச் செவ்வி இலனே

பெருந்தண் உறந்தையார் கோ. – 50

கொடிமதில் பாய்ந்திற்ற கோடும் அரசர்

முடியிடறித் தேய்ந்த நகமும் – பிடிமுன்பு

பொல்லாமை நாணிப் புறங்கடை நின்றதே

கல்லார்தோட் கிள்ளி களிறு. – 51

கச்சி ஒருகால் மிதியா ஒருகாலால்

தத்துநீர்த் தண்ணுஞ்சை தான்மிதியாப் – பிற்றையும்

ஈழம் ஒருகால் மிதியா வருமேநங்

கோழியர்கோக் கிள்ளி களிறு. – 52

பாற்றினம் ஆர்ப்பப் பருந்து வழிப்படர

நாற்றிசையும் ஓடி நரிகதிப்ப – ஆற்ற

அலங்கலம் பேய்மகளிர் ஆட வருமே

இலங்கிலைவேற் கிள்ளி களிறு. – 53

முடித்தலை வெள்ளோட்டு மூளைநெய் யாகத்

தடித்த குடர்திரியா மட்டி – எடுத்தெடுத்துப்

பேஎய் விளக்கயரும் பெற்றித்தே செம்பியன்

சேஎய் பொருத களம். - 54

இரியல் மகளிர் இலைஞெமலுள் ஈன்ற

வரியிளஞ் செங்காற் குழவி – அரையிரவில்

ஊமந்தா ராட்ட உறங்கிற்றே செம்பியன் தன்

நாமம்பா ராட்டாதார் நாடு. – 55

அயிற்கதவம் பாய்ந்துழக்கி ஆற்றல்சால் மன்னர்

எயிற்கதவம் கோத்தெடுத்த கோட்டால் – பனிக்கடலுள்

பாய்ந்தோய்ந்த நாவாய்போல் தோன்றுமே எங்கோமான்

காய்சினவேல் கிள்ளி களிறு.  56